ഫോർട്ട്കൊച്ചി : ഇന്ത്യൻ കോസ്റ്റ് ഗാർഡിന്റെ നേതൃത്വത്തിൽ ഇൻറർനാഷണൽ കോസ്റ്റൽ ക്ലീൻഅപ് ഡേ ആചരിച്ചു.
ഫോർട്ട്കൊച്ചി : ചടങ്ങ് കൊച്ചി മേയർ അഡ്വക്കേറ്റ് എം അനിൽകുമാർ ഉദ്ഘാടനം ചെയ്തു. ഇന്ത്യൻ കോസ്റ്റ് ഗാർഡ് ജില്ലാ ആസ്ഥാനം (കേരളവും മാഹിയും) ഫോർട്ട് കൊച്ചി, വൈപ്പിൻ, വളപ്പ്, പുത്തൻതോട്, പെരിയാർ നദീതീരം ആലുവ എന്നിവിടങ്ങളിലാണ് തീരദേശ ശുചീകരണ യജ്ഞം നടത്തിയത്. സംഗീത സംവിധായകൻ ബിജിപാൽ, കൊച്ചി മുൻസിപ്പൽ കോർപ്പറേഷൻ കൗൺസിലർമാരായ ഷീബ ലാൽ, അഡ്വ ആന്റണി കുരീത്തറ, ടി കെ അഷറഫ്, മട്ടാഞ്ചേരി അസിസ്റ്റൻറ് കമ്മീഷണർ കെ ആർ മനോജ്, എളങ്കുന്നപ്പുഴ, കുമ്പളങ്ങി ഗ്രാമപഞ്ചായത്ത് പ്രസിഡന്റുമാർ, അംഗങ്ങൾ, കോസ്റ്റ് ഗാർഡ് (കേരളം, മാഹി) ജില്ലാ കമാൻഡർ ഡിഐജി എൻ രവി പങ്കെടുത്തു. എല്ലാ കോസ്റ്റ് ഗാർഡ് കപ്പലുകളിൽ നിന്നും തീരത്തെ യൂണിറ്റുകളിൽ നിന്നുമുള്ള ഏകദേശം 1000 വോളണ്ടിയർമാരുടെ പങ്കാളിത്തം, മറ്റ് സംസ്ഥാന, കേന്ദ്ര സർക്കാർ സംഘടനകളിലെ അംഗങ്ങൾ, NCC, വിവിധ സ്കൂളുകൾ, കോളേജുകൾ, NGOകൾ, കോസ്റ്റൽ പോലീസ്, കേരള പോലീസ് എന്നിവിടങ്ങളിൽ നിന്നുള്ള ഉദ്യോഗസ്ഥരും അധ്യാപകരും വിദ്യാർത്ഥികളും പങ്കെടുത്തു. മെച്ചപ്പെട്ട പരിസ്ഥിതി, ചപ്പുചവറുകൾ രഹിത ചുറ്റുപാടുകൾ, മൊത്തത്തിലുള്ള ആരോഗ്യകരമായ ജീവിതത്തിൽ അവ ചെലുത്തുന്ന സ്വാധീനം എന്നിവയ്ക്കായി വൃത്തിയുള്ള ബീച്ചുകളുടെയും ചുറ്റുപാടുകളുടെയും ആവശ്യകതയെക്കുറിച്ച് പങ്കെടുത്തവർക്ക് ബോധവൽക്കരണം നൽകി. വാർത്തയുമായി ലൈഫ്കൊച്ചി റിപ്പോർട്ടർ റിഡ്ജൻ റിബല്ലോ.
LifeKochi Web Desk | Sept. 16, 2023, 5:02 p.m. | Fort Kochi
